MAHARESAKA (beta)

 Raha Antananarivo sy ny manodidina samy nahita ny fiakaran'ny rano. Tamin'iny ihany koa no nahitana ireo hadalan'olombelona rehetra napongatry ny rano. Nihomehezan'ny olona ireo nanorina trano teny amin'ny tanimbary, na ireo olona nanototra tany ny tanimbary dia nananganana fonenana na fiangonana (Ambohimandroso/salanitra). Tamin'iny faritra Ambohitrinimanga iny no nisy nanangana trano tamin'ny faritra tondraka rehefa miakatra ny rano. Mazava loatra fa tsy mponina teny hatry ny ela matoa tsy mahalala izany ka mila mandinika hoe mbola hipetraka eny ve? Raha any Antananarivo anefa toa tsy misy mieritreritra ny toa izany fa dia izay hanorenana trano ihany no mahamaika. Ny fisesin'ny orana/erika no nahitana fa tafakatra hatramin'ny 3 metatra ambony ny fisongan'ny rano rehefa avy orana. Mety ho mahazatra izany any amorontsiraka atsinanana ohatra (efa nahatsikaritra haavon-drano aho raha nandeha fiara tamin'ny RN2) ary mila misaina izany ihany koa...

Rdsmith4 , CC BY-SA 2.5 , via Wikimedia Commons Mety hahagaga ny mpamaky ihany ny tsy mba ilazako loatra ny voina mihatra amin'ny firenena (na mihatra amin'Antananarivo?). Raha atao hitsin-dalana anefa dia io voalazan'ny lohateny io no antony: loza voajanahary miampy hadalan'olombelona no mihatra amintsika ary ny tena loza dia manaiky holalaovina ao anatin'ilay hadalan'olombelona isika. Ny hadalana fototra amin'izany dia ny fikasana tsy hitsinjo izay mahasoa vahoaka fa ny hilalao ny fihetseham-pony amin'ny koba katsaka sy ny ron-tsaramaso mba ilazana fa tena miasa sy mitsinjo vahoaka tokoa. Tsy hanao zavatra raha tsy efa misy kinendry hahazoana tombontsoa manokana izay tsy kely fa mamelona hatramin'ny zafin-dohalika raha sanatria ka tafala eo amin'ny seza fiandrianana. Mba efa nisy nandray antontanisa sy torohay ve hoe firy isanjaton'ny tra-boina tamin'ny herintaona no niverina ho tra-boina indray tamin'ity taona ity? Firy isanjaton...

Izay raha fintinina ny zava-niainana tao anatin'ny roa andro, dia ny talata 25 sy ny alarobia 26 janoary 2022. Ny fitantarana dia tohin'ny resaka kianjan'Isahafa nanaovanay tolona ho fiarovana azy tsy horavana ho lasa fonenan'ny manan-katao. Tsy mampandry mandry anay izany hoe soa iombonan'ny daholobe sy efa nanaovana tetikasa efa mijoro ve no havadika ho toerana "privé" indray? Rehefa naato ny fihaonan'ny fokonolon'Isahafa sy ny mpiadidy ny kaominin'Anosy Avaratra tamin'ny 18 janoary 2022 dia samy manana ny manahirana azy ny roa tonta. Iray amin'ny olana misy ihany koa manko ny tsy nahavitan'ny lalana mampitohy an'Isahafa amin'i Lazaina araka ny nampanantenain'ny Ben'ny Tanàna fony kandidà ho ben'ny tanàna indray. Taorian'izay, niezaka ny tao amin'ny kaominina ny handravona araka izay tratrany sy eo ampelatanany ny faritra tena manahirana amin'ny lalana. Narodana ny ampahany mampatahotra amin'ny ...

 Tsy olona akory io fa tanàna iray aty Avaradrano aty ao anatin'ny kaominina Ambohimanga Rova. Misy tanàna miray/mifanila amin'io tanàna antsoina hoe Ambodisiarivo io tokoa manko natao sorona mba tsy ho difotry ny rano noho ny rotsak'orana sy ny fiakaran'ny rano Antananarivo sy ny manodidina azy. Asa raha nisy ny nahamarika ny mpanara-baovao hoe amin'ilay lalana rarivato mampitohy an'i Antsofinondry/Anosy Avaratra amin'i Vavafolo/Ambodifasina dia nasian'ny APIPA/JIRAMA fitrohan-drano avy ao amin'ny ilany atsimo ho avadika amin'ny ilany avaratra. Ny fiantraikan'izany no fantatra fa difotra tanteraka ny tanàna iray ary noterena ho tra-boina avokoa ny mponina rehetra ao aminy mba tsy hiakatra loatra intsony ny rano ao Antananarivo renivohitra ka hampihena ny isan'ny tra-boina any. Lakana telo no mampita ireo olona ireo ho eo amin'ny toerana mangadihady nasiana tranolay. Tsy hisy hilaza izany vaovao izany amin'io fomba hanoratako azy ...

 Olana iray iainan'ny mponin'Isahafa sy ireo hafa  manodidina azy avy amin'ny kaominina Ambohimanga (Malaza, Iavoambony, Anosiarivo...) ny lalana mampitohy azy amin'ny tanàna hafa. Iray amin'izany sady mahazatra indrindra ny lalana mampitohy an'Isahafa amin'i Lazaina izay miray ao amin'ny Kaominina Anosy Avaratra rahateo. Haiko tsara io lalana io satria falehako efa ho isan'andro. Mahatsiaro ho faralahy sy tsy hitan'ny olona loatra Isahafa satria amin'ireo fokontany dimy mandrafitra ny kaominina dia ny ao Isahafa irery no tsy tongan'ny lalana rarivato. Tsy mahagaga raha io lalana io no fototry ny fanentanam-pifidianana tamin'ny fifidianana ho Ben'ny tanàna farany teo sady anisan'ny nahazoan'ny Ben'ny tanàna amin'izao fotoana izao vato be indrindra sy nahazoany indray io toerana io. Ekena tokoa fa tokony asiana rarivato ny lalana eo maitsoririnina mampitohy an'i Lazaina amin'Ambohimandroso (anatin'Ambohi...

  (1) ny fivoaran'ny saran'ny aterineto telma ao Kômôro! Araka ny hita ato dia tamin'ny taona 2016 ny telma no nitsofoka tao amin'ny tsena aterineto kômôriana. Ny pikantsary telmanet tamin'ny 13 febroary 2017 no nahitana ireto sara manaraka ireto: 50 Mo = 500FC 120 Mo = 1000FC 300 Mo = 2000FC 4 Go = 10.000FC 20 Go = 50.000FC 100 G0 = 200.000FC Ny sara telma net tamin'ny 25 janoary 2021 kosa toa izao ny sara aterineto: 1 Go = 500FC 3 Go = 1000FC (telo andro)/ 3 Go = 2000FC (fito andro) 10 Go = 5000FC 30 Go = 10.000FC 60 Go = 15.000FC Tsikaritra fa nivoatra be ary nihamora ny sara na hoe nihabetsaka ny fatra azo! Ny sara telma net tamin'ny 21 avril 2021 , ny fiovana: 2,5 Go = 1000FC 15 Go = 5.000FC 50 Go = 15.000FC 100 Go = 25.000FC Tsikaritra fa ilay sara 100Go dia 200.000FC (2017) lasa 25.000FC (2021) Ny sara telma net tamin'ny 7 janoary 2022     1 Go = 500FC 2 Go = 1000FC (nihena fatra/janoary 2021) 4 Go = 2000FC (nitombo fatra/janoary 2021) 10 Go = ...

 Be ny nimenomenona tamin'ny herinandro fa niakatra izay tsy izy ny saran'ny aterineto eto Madagasikara. Tsy izay angaha no marina kokoa fa misy ny tolotra manokana omen'ny Orange Madagascar (Akama isankarazany) sy ny Telma (Faceboobaka anatin'ny yelow) idirana Facebook na/sy ireo tambajotra sosialy hafa. Nihena fatratra manko ny fatra azo, ny nahazoana 1 gigaoctets teo aloha manko dia 250 megaoctets sisa azony. Ny fahadisoan-kevitra matetika dia heverina fa ireo ihany no antsoina hoe aterineto.  Ireto aseho ireto ny pikantsarin'ny tolotra teo aloha momba izany Fa mba manao ahoana kosa ny saran'ny aterineto aloa mialoha amin'ny ankapobeny? Nanao tahiry azy itony aho fa ny fahadisoako ary lazaiko etoana izany dia nosoloiko hatrany ny dosie isaky ny miova ny saran'ny tolotra, tratran'izany ny an'ny Telma sy ny an'ny Airtel. Ny an'ny orange irery ihany no tsy voakitika loatra satria io no fampiasako herintaona mahery izao. Niakatra tokoa ve ...

Ny mpamaky ny blaogy etoana dia ataoko fa efa mahafantatra ihany na dia ambangovangony aza ny karazam-pifanolanana misy eo amin'ny ampahan'ny fokonolona eto Isahafa sy ny Fiadidiana ny Kaominina Anosy Avaratra tarihan'ny Ben'ny Tanàna miaraka amin'ny Filankevitra. Notapahina fotsiny ny fihaonana farany tamin'ny asabotsy 15 janoary 2022 noho ny mety ho fahatsinjovana fa tsy hivaha amin'io fotoana io ny lohahevitra ifanakalozana sy/na iadiana. Ny lahatsoratra hita tampoka tao amin'ny gazety DéLire Madagascar nivoaka tamin'ny 26 marsa 2021 no nahitana fa nisy ny fanaovan-tsonia nifanaovan'ny Minisitera lefitra misahana ny tanàna vaovao sy ny toeram-ponenana, ny Société Générale Madagascar ary ny kaominina ambanivohitra Bongatsara sy Anosy Avaratra ho fanorenana tanàna vaovao ny omalin'io, izany hoe natao ny 25 marsa 2021 izany io fanaovan-tsonia io. Mariho araka io lahatsoratra io fa ny minisitra teo aloha Michaelango ZASY mihitsy no nanao ny ...

 Fanamarihana: Ity taratasy fanangonan-tsonia ity dia natolotra nandritra ny fihaonan'ny Olomboafidin'ny Kaominina Anosy Avaratra sy ny fokonolona eto Isahafa. Mariho fa tsy ny fokonolona manontolo no manohana sy manao sonia ny taratasy... ary raha efa nomena ny olomboafidy sy ireo mpitantana mpiara-miasa aminy izany dia ataoko fa tsy misy tokony tsy hampisehoana azy ampahibemaso toy ny etoana. A/ TSY FANEKENA NY FANDRAVANA KIANJA FANATANJAHANTENA ETO ISAHAFA I 1) Fotodrafitrasa ary tetikasa efa misy sy mijoro Fotodrafitrasa noforonina an-taonany maro, mihoatra ny 20 taona, izany hoe tetikasa efa mijoro hatry ny ela. Nandaniana vola sy hery ary mbola nohatsaraina sy nampanantenaina fa ho tsara satria nahatsapa ny rehetra fa zava-dehibe sady tena ilaina ny fijoroan’izy io. 2) Efa nanao fandaniana teo ny fanjakana, ny mpanohana maro na ny eto an-toerana na ny avy any ivelany, ny fokonolona sy ny tanora teto Isahafa. Heverina fa tsy tokony hotsinontsinoavina izany ka horavana izay...

 Tsy fantatra intsony izy ity na fanararaotana aorian'ny fety hoe tsy dia misy mpividy loatra na ahoana fa maro ireo karazan'entana no niakatra ny vidiny, ary singanina manokana ny vidin-tsakafo na zavatra azo hanina. Ny hitako aloha, ary iainako, dia ny mpivarotra enta-madinika no mety hijaly indrindra raha vao tsy maharaka ny vidin-javatra na dia fotoana fohy monja aza. Tsy maintsy mailo avy hatrany ianao raha vao manontany ny mpividy hoe ohatrinona ny [...] nefa zavatra efa fividiny isan'andro na andeha atao hoe matetika. Ohatra iray amin'izany ny vidin'ny "cube jumbo", tsy hainao fotsiny izao fa dia nakarin'ny mpamongady aloha ny vidiny. Amin'ny ankapobeny dia nakarina 50Ar ny vidin'ny singany iray. Ny vidin'ireo karazana "nouille", na paty hoy isika, koa tena tsy fantatra intsony izay marina fa lasa mitovy tampoka izany ny vidiny. Tsy nitovy taloha ny vidin'ny Appollo, matsiro Salone ary Presto. Ny hafa izay nankafizina t...