MAHARESAKA (beta)

 Somary nahataitra ahy ny momba ity fokon'olona antsoina hoe Bajuni efa hanjavona amin'iny manamorona an'i Afrika Atsinanana iny. Vao henoko ny anarany sy ny fombany dia ny Vezo eto amintsika avy hatrany no ao an-tsaiko. Taranaka mpiandriaka tahaka ny Vezo manko ry zareo ary tia sy mankamamy ny ranomasina tahaka ny Vezo. Ny vezo izay mitovy fomba sy kolontsaina amin'ny vondron'olona any Indonezia antsoina hoe bajau izay tantarain'i Otto Christian Dahl amin'ilay boky mitondra ny lohateny hoe "From Kalimantan to Madagascar". Amin'ny faritra Somalia dia naripaky ny Somali ireto taranaka mpanjono ireto, natao ankeriny ny vehivavy sy ny zazavavy, novonoina sy notsatohana antsy ny lehilahy sy ny zazalahy. Monina amin'ny nosy hatrany ireto Banjuni ireto fa ny Somali an-tanety mandrakariva. Tamin'ny fikorontanana politika taona 1991 no naka ny tany sy ny toeran'ireto Banjuni ireto ny Somali. Talohan'izany anefa ireo samy olon-ko azy.Iz...

 Ankatso: Tsara aro sy mahatazan-davitra ary sarotra idirana. Vohitra hodidinina heniheny. Azo lazaina fa nosafidianan'ny vazimba voalohany manokana ity toerana ity satria avo toerana hodidinina heniheny sy ankona (marécages) manana hantsana voajanahary. Feno voay ihany koa ny ankona araka ny fitantarana. Ny fiotazana sy ny fihazana no tena nataon'ny vazimba tonga teto anivontany tamin'ny voalohany, ka kinga dia kinga ry zareo tamin'ny fanjonoana. Raha nisy ny fifanafihana maro dia maro nitranga dia tsy mba resy mihitsy na dia indray mandeha aza ny tao Ankatso noho ny bikan'ny toerana tsy ahafahana manafika azy tsotra izao. Sarotra sy manasatra ny miakatra any Antampon'Ankatso. Misy andalana ao amin'ny Tantaran'ny Andriana pejy 18 milaza fa raha nanafika ny vazimba ny mpanjaka Andriamanelo, dia resiny avokoa ny toerana manodidina,  fa: "Ary Andrianankatso tsy mba vazimba resin'Andriamanelo", efa nilevina tao Ankatso i Andrianankatso tamin...

Mariho mazava tsara fa dia io vazimba (Virzimbers) io mihitsy no nosoratany tao amin'ny diariny. Hevero ho karazana fandraisana naoty amin'izay novinaky nozaraina aminareo fotsiny ity lahatsoratra etoana ity. Tsy misy itovizany amin'ny fivavahana Islam ny fivavahan'ireto olona ireto ankoatra ny famorana. Ny fihinanany henakisoa fotsiny dia efa mampifanohitra tanteraka ny fivavahan'ireto amin'ny Islam. Raha resaka jiosy indray no ampitahana amin-dry zareo dia ny jiosy aza no naka tahaka an'ireo olona ireto fa tsy ireto olona ireto no naka tahaka jiosy, efa taloha ela noho ny an'ny jiosy ny fivavahan'ireto olona ireto. Voalohany amin'izany, matoky ny nofy ry zareo ary mamantatra ny hevitr'izany nefa nampitandremana tamin'ny mpanaradia an'i Mosesy izany toe-javatra izany. Faharoa, manàratra (manasola) tanteraka ny lohany ry zareo rehefa misaona, nefa tsy azon'ny taranak'Isiraely velively ny manao izany. Fahatelo, ny an'i Mose...

Amin'ny ankapobeny, entina hanasohasoana an'Andrianampoinimerina ny boky Tantaran'ny Andriana, na andeha ahitsy kokoa hoe, nanao izay hanasoasoa an'Andrianamponimerina ny fitantarana nataon'izay nitantara tamin'ny mompera Callet. Ny nanangona no nataon'ny mopera Callet fa ny fandrafetana ny boky mbola tsy tena vita. Raha vakiana amin'ny lôjikan'ny Tantaran'ny Andriana nangonin'ny mompera Callet, pejy 525, dia nitodi-doha tany Vakinisisaony ny fanafihan'Avaradrano rehefa nahafaka fanintelony an'Antananarivo ry zareo sy nahavita tsara ny fandaminana ny fizarana ny tanàna ho an'Avaradrano mpandresy sy mpambabo. Avy amin'ny tantara nanafahana an'Antananarivo no nahitana fa nesorin'Andrianampoinimerina tsy honina ao an-tanàna intsony ireo olona tsy nanaiky moramora ny hanoa azy. Nosoloiny voanjo avy any Avaradrano ireo olona noroahana ireo. Ny tao Antananarivo moa dia nasaina nitondra hatramin'ny razany nivoaka ny tanàn...