MAHARESAKA (beta)

  Androany 12 novambra 2026, lasan'olon-kafa ny tany iray izay lova. Tany misy fasana ilevenan'ireo very tany ao Andrefa-tsena Sabotsy Namehana. Hitantsika ny fitarainan'ny mpandova, hitantsika ny fahamaroan'ny olona nanatrika mba hiara-dia amin'ny mpandova, fa hitantsika koa fa ny taratasy no mikaonty kokoa noho ny fijoroana vavolombelona sy ny fahafantarana tantara. Tany efa hatramin'ny taona 2005 no lasa niadiana, izany hoe efa mihoatra ny roapolo taona. Ampiasain'izay te-haka azy mihitsy ny vola satria fantany fa io no tsy ananan'ny ankilany.  Raha ilay nitranga teto Isahafa no itarafana ny raharaha dia samy maneho ny taratasiny amin'ny manampahefana (efa tsy ny fitsarana intsony) ny raharaha, dia takìna ihany koa ny taratasy rehetra nahafahan'ny hafa nahazo ilay titra, hamarinina avokoa ireo taratasy ireo, savaina any amin'ny kaominina lazaina ho niaviany mihitsy aza. Satria misy ny taratasy ara-panjakana fa azo tamin'ny fomba tsy ar...

Mahita toriteny ianareo talohan'ity fitantarako ity. Mety ho somary hafa sy tsy mahazatra ny mpamaky izany. Fitantarana na filazana tantara no tena natao, ny tokotanin-tsehatry ny vakiteny no tena nasongadina, heviteny no manaraka izany. Ny heviteny anefa tsy fitorian-teny velively fa ainga fotsiny ho amin'ny toriteny.  Tsy fanaon'ny mpitoriteny loatra ihany koa ny mampiaraka ny perikopa na ny sombin-dahatsoratra telo nampiarahana ho amin'ny alahady iray hohazavaina fa maka andininy iray matetika no tena fanao. Etsy ankilany indray anefa tena nahazo tombony aho fa ny ampitson'ny nanirahana anay avy ao amin'ny andiany "Mahefa amin'ny fanompoana (hoy aho hoe M.A.F) dia anjarako ny nitoriteny tao am-piangonana. Te-hitantara be amin'io resaka andro farany io aho, saingy terin'ny fotoana mba tsy hihoatra ny roapolo minitra ny toriteny fa efa tsy mifantoka intsony ny ankamaroan'ny mpiangona raha mihoatra an'izay. Dia iny hitanareo iny ny tori...

Sary Pst Besabotsy Olivien, tale SEFALA Faravohitra avaratra   Vao misy teny hoe fanompoana dia fivavahana izay. Fikarakarana ihany koa no dikan'ny fanompoana amin'ny lafiny iray. "Mahefa amin'ny fanompoana" tokoa no anaran'ny andian'ny Mpiandry sy Mpitoriteny ary Katekista nivoaka avy ao amin'ny Synodamparitany Iarivo Avaradrano laharana faha-19 ao amin'ny sahan'ny Fiangonan'i Jesoa Kristy eto Madagasikara. Tamin'ny Asabotsy 07 novambra 2026 no namoahana anay na hoe nanirahana sy nitsofan-drano anay.  Noho ny fodiamandrin'ny Mpitandrina Rakotomanantsoa Ravo Naly Harinjaka (Pantra Mitraka) dia maro ny Mpitandrina namany sy ireo skoto notarihan'ny prezidà synodaly eto Avaradrano, ny Rev. Dr. Rabetokotany, no nanotrona ny manamanjò tao amin'ny FJKM Analakely. Lasa ny Mpitandrina Rasolofomanana Mamitahiana, filoha lefitra mpitandrina amin'ny synodamparitany no nitarika ny fotoana, ary ny tale SEFALA foibe, Atoa Trimozafy Sa...

Ho aminareo mandrakariva anie ry havana ny fahasoavana ombam-piadanana avy amin'Andriamanitra Ray sy Jesoa Kristy Tompontsika. Amen! Alahady faharoa amin'ny volana novambra isika izao, lohahevitra banjinin'ny Fiangonan'i Jesoa Kristy eto Madagasikara amin'ity volana ity ny hoe "Miomana amin'ny fiavian'ny Tompo", azo lazaina koa ve hoe "Miomàna amin'ny fiavian'ny Tompo". Tsara homarihana dieny ety am-piandohana fa tsy marina intsony ny fanoratra hoe fihaviana fa fiaviana no izy. Mety hisy hiteny isika hoe ka fihaviana anie no voasoratra ao amin'ny Baiboly protestanta e, eny tokoa, marina izany fa ny teny sy ny soratra mivoatra, mivoatra ny fahalalàna azy ary tahaka izany koa ny fitsipi-panoratana. Tahaka ny hoe hianao sy hianareo no fanoratra taloha fa ankehitriny efa hoe ianao sy ianareo no izy. Ny Baiboly protestanta nivoaka farany dia efa nanaovana ireo fanitsiana voalaza ireo. Tahaka an'io finday kirakiraintsika io e! n...

    Raha nanaovana antso amin'ny itondrana azy am-bavaka sy hanampiana azy noho ny fahatsentsenan'ny lalan-drà mankany amin'ny fo nahazo azy ny mpanompon'Andriamanitra Camille Rafalimanana, ka nampidirina hopitaly tamin'ny 26 oktobra 2026 dia nandao ny tany ka namonjy ny toerana efa natokan'i Jesoa Kristy ho azy androany 05 novambra 2026. Nafana fo tamin'ny fanompoana ny Tompo hatry ny fony tanora itompokolahy Camille Rafalimanana. Samy nonina teny 67ha Avaratra Andrefana izahay fa secteur 1 (avaratry ny FJKM Salema Vaovao 67ha amin'izao fotoana izao) no nipetrahany raha secteur 3 kosa (Akaikin'ny B26 - Bar malaza) kosa no nipetrahanay. Toeram-pahazazana ho anay ny teny 67ha fa samy tsy misy mipetraka eny intsony.     Na dia tsy niditra ho mpitondra fivavahana niofana eny amin'ny Toeram-Panomanana Mpitandrina aza izy dia nohajain'ny olona hitovy laharana amin'izany kosa ary tsy mahagaga raha lasa Filohan'ny FMMBM na LLB Madagasikara r...

Sary nosintonina tao amin'ny pejin'ny Présidence de la Refondation de la Republique de Madagasikara, efa voamarin'ny Depêche Informative Taratra rahateo koa.        Voalaza ary fa noho ny antony ara-pahasalamana androany 03 novambra 2026 ny minisitry ny fampiroboroboana ny haitao ara-kajimirindra, ny paositra sy ny fifandraisandavitra Atoa Mahefa Andriamampiadana. Nankatoavin'ny Filohan'ny Fanavaozana ny Repoblikan'i Madagasikara izany fialàna izany. Misolo toerana vonjimaika azy ny minisitry ny Fampianarana Ambony sy ny Fampianarana Siantifika Atoa Ndaohialy Manda-Vy Ravonimanantsoa.      Fehin'izay nolazainy: "Feno fanantenana sy finiavana ny foko raha nandray ny andraikitra hanompo ny tanindrazana. Maro ny faniriana sy ny kinasa saingy ny fotoam-bita tsy mahaleo ny sampona. Tsy lavorary ny vita fa natao tamim-pitiavana ireny. Mifarana ny andraikitro fa tsy mifarana ny fitiavana ny tanindrazana."   Kinendrin'ity minisitra niala ity moa ny ham...

Malaza amin'ny haino vaky jery amin'izao fotoana izao fa misy ireo lalana tapaka tanteraka ao afovoan'Antananarivo ao ary tsy hifarana ny fahatapahan'ny lalana raha tsy amin'ny 16 janoary 2027 hoavy izao. Nanomboka androany 03 novambra 2026 ny fahatapahan'ny lalana miainga amin'ny fantatsika hoe "Ecole de Médecine" eo Befelatanana-Mahamasina miakatra mankany amin'ny Fort-Voyron (mandalo vavahadin'ny Hopitaly Joseph Raseta Befelatanana) amin'ny valo ora alina ka hatramin'ny efatra ora maraina.  Tetikasa iray mitohy no mahatonga izany fahapahana izany dia tsy inona fa ny PIAA - Projet Intégré d’Assainissement d’Antananarivo. Rehefa amin'ny toe-javatra tahaka izao moa dia lasa vahiny tanteraka ny teny malagasy ka izay no nahatonga anay mandika azy ho Tetikasa Mahafoaka ny Fanadiovana an'Antananarivo. Efa nisedra tondra-drano nandritra ny fotoana maharitra isaky ny avy orana i Antananarivo. Dibodrano ny faritra maro ary tsy mahi...

Ralambomanana Fenoherintsoa, anarana tsy mba henon'ny mpanoratra nialoha ny nahalaniany ho solombavambahoakan'i Madagasikara tao amin'ny Boriborintany fahatelo an'Antananarivo Renivohitra, tamin'ny alalan'ny lisitra Tiako Madagasikara tamin'ny 16 jolay 2019. Mbola lany fanindroany indray ny tenany teo amin'io fari-pifidianana io ihany tamin'ny taona 2024, tamin'ny lisitra Firaisankina izay nisy ny Antoko Tiako i Madagasikara ihany. Nitsahatra ny amin'ny maha-solombavambahoaka azy izy tamin'ny 21 avrily 2026 rehefa notendrena ho Filohan'ny Delegasiona Manokana an'Antananarivo Renivohitra. Tamin'ny fifidianana tamin'ny taona 2019 dia tsy mba nahita an'i Feno Ralambomanana niditra an-tsehatra, nankeny an-kianja nanentana loatra ny mpanoratra. Ny mpiray lisitra aminy, Bodoharisoa Razafindrazaka, no tena tazana tamin'izany fotoana izany satria izy rahateo no fantatry ny olona kokoa amin'ny maha-mpihira azy. Tsy niar...

Tsy maintsy misy fampahafantarana hatrany ny tranonkala vao mety ho fantatry ny hafa. Tranonkala iray vao niorina tamin'ity taona ity ny Vanga ary miompana indrindra indrindra amin'ny toekarena mazava loatra. Namana iray tao amin'ny tontolon'ny fanaovan-gazety no nahitako ny momba azy io. Natombony tamin'ny fampahalalàna ny manjo ireo Malagasy mpanao gazety ny resaka ary iaraha-mahalala tokoa fa tena kely ny fivelomana raisina. Na dia mafy aza izany fanamby izany dia misy hatrany ny mijery lavitra ary manana tondrozotra ao anatin'ny dimy taona.  Taona voalohany tian'ny Vanga iompanana, araka ny hita ao amin'ny mombamomba azy, ny famoahana matetika ny vaovao momba ny fitrandrahana harena an-kibon'ny tany, ny fanenoman-damba ary ny fizahantany. Mifanindran-dalana amin'izany ihany koa ny famoahana gazetiboky ara-toekarena voalohany. Kinendry ao anatin'ny telo taona kosa indray ny manao izay hampitomboana ny angon-drakitra sy fametrahana mili-p...

  Tamin'ny voalohany ny blogger.com tsy mba nahitana antontanisan'ireo mpitsidika ny tranonkala. Ny te-hahafantatra no mampiditra rafitra kely hamantarana izany. Amin'izao fotoana izao ny blogger.com eo ambany fanevan'ny Google ka afa-mirafitra ao anatiny ny fijerena antontanisa. Blaogy madinika ity tsidihantsika ity, saingy tena avy amin'ny vazantany efatra ny mpamaky azy. Tamin'iny volana iny ary dia araka izao filaharany izao ny habetsaky ny mpitsidika ity blaogy ity isam-pirenena:   Etazonia (ny 1/3n'ny mpamaky nandritra ny volana dia avy ao avokoa) Madagasikara Brezila Singapaoro Fanjakana Mitambatra Frantsa India Viêt Nam   Arzantina Manaraka izany ny ao (10) Alemaina , (11 aexequo) Meksika sy Hôlandy (13 aexequo) Canada sy Afrika Atsimo, (15) Pakistan, (16 aexequo) Espaina sy Kôlômbia (18) Rosia.  Hitantsika araka izao hita izao fa mieli-patrana manerana izao tontolo izao ny Malagasy sy izay mahay mamaky teny malagasy. Mirary soa antsika rehetra...