Somary nahataitra ahy ny momba ity fokon'olona antsoina hoe Bajuni efa hanjavona amin'iny manamorona an'i Afrika Atsinanana iny. Vao henoko ny anarany sy ny fombany dia ny Vezo eto amintsika avy hatrany no ao an-tsaiko. Taranaka mpiandriaka tahaka ny Vezo manko ry zareo ary tia sy mankamamy ny ranomasina tahaka ny Vezo.
Ny vezo izay mitovy fomba sy kolontsaina amin'ny vondron'olona any Indonezia antsoina hoe bajau izay tantarain'i Otto Christian Dahl amin'ilay boky mitondra ny lohateny hoe "From Kalimantan to Madagascar".
Amin'ny faritra Somalia dia naripaky ny Somali ireto taranaka mpanjono ireto, natao ankeriny ny vehivavy sy ny zazavavy, novonoina sy notsatohana antsy ny lehilahy sy ny zazalahy. Monina amin'ny nosy hatrany ireto Banjuni ireto fa ny Somali an-tanety mandrakariva. Tamin'ny fikorontanana politika taona 1991 no naka ny tany sy ny toeran'ireto Banjuni ireto ny Somali. Talohan'izany anefa ireo samy olon-ko azy.Izay sisa tavela fantatra, efa noterena hanambady Somali ny vehivavy ao aminy.
Miely manamorona ny ranomasina manomboka eo Kismayuu ny fonenan-dry zareo ka tonga hatrany amin'ny Nosy Patta (Pate). Malaza amin'ny fanamboarana sambo na lakana nozairina ry zareo. Io koa no nanaitra ahy satria mitovy tamin'ny sary sambo voasokitra tany Java (indonezia) izany. Hatreo ihany ny fitoviana hitako.
Loharano iray ao amin'ny wikipedia no nilaza angano fa vondron'olona tonga an-dranomasina nantsoina hoe Wadiba avy any Maldives tamin'ny vanim-potoana tsy fantatra no nitondra ilay karazan-dakana na sambo (Mtepe) voalohany ka nalain'ny mponina afrikana rehetra manamorona ny ranomasina tahaka avy eo. Dia misy anarana Wadiba manakaiky ny vazimba koa eto.
Mety ho sombim-pamantarana amin'izay lala-nodiavin'ny razambentsika ve ny famantarana izay torohay kely dia kely izay?
Hatramin'ny fotoana nifindranay nankaty Isahafa tamin'ny taona 2016 dia tsy nisy taona voadingana ka tsy andrenesana olana ara-tany. Raha ny samy eto an-toerana moa maninona fa olona any ivelany hatrany no te-hamabo azy ho an'ny tenany na ho an'ireo mpiray tombontsoa aminy. Midadasika mora anorenana rahateo ilay izy ka izay mahita dia mihevitra avy hatrany fa tsy misy tompony, na raha misy tompony aza dia tsy raharahiana fa alaina ihany. Noho izany toe-javatra izany dia lasa zatra amin'ny fomba fiasan'ireo mpaka tany ny mponina, efa nisy niharan'ny fitoriana ho nanao herisetra ka saika nidoboka, fa nisy koa ny nidoboka kely mihitsy ho fandrahonana hoe manana ny hery raha miseho manohitra ny fakanay io tany io. Asa efa vita vaksiny amin'izany ve ny mponina ka na teo aza izany dia mbola nivondrona ihany ny olona hiaro ny tany. Tanin'ny voanjo saingy alohan'izany dia tany manan-tantara satria kianja nanaova-matso miaramila amin'ny fomba tandr...
Commentaires