(Tsindrio ny sary na eto hijerena ny ao amin'ny rohy Facebook lazaiko, efa tsy navelan'ny mpanoratra hanehoan-kevitra intsony raha nahita azy aho, roa andro monja taorian'ny namoahana ny ranty)
Ao amin'ny fanehoan-kevitra no ahitana ny hevitry ny maro ahatsapana ny mety ho tontolon'ny fihariana eto Madagasikara. Nihevitra ho nimenomenona irery aho hoe misy tsy mety anie izany hetra eto Madagasikara izany raha oharina amin'ny vidin'ny entana amidinao. Tsikaritra araka ny fijerin'ny olona ato fa misy ny karazan'olona omena vahana. Tsy hay hoe mandoa vola any ambadika any ve sa ahoana?
Ny hita aloha raha ny hevitra dia misalasala na tsy manaiky mihitsy ny hampiasa vola aza ny olona. Koa raha ny teratany aza tsy mety hampiasa vola, dia hiditra ve ny vahiny raha tsy mahazo tombontsoa manokana toy ny ampihimamba amin'ny entana iray toy ny hita amin'ny menaka fihinana amin'izao fotoana izao ohatra? Na ho inona na ho inona, raha mbola mitohy izany toe-javatra izany dia tsy mizotra afa-tsy mankany amin'ny fahapotehan'ny firenena izany. Ary dia potika ihany koa ny hoavy...
Mazava loatra ihany koa fa mitodika any amin'izay nataon'ny mpitondra tamin'ny karazan'orinasa nisy teto ny mason'ny mpanara-baovao ary tsikaritra manokana ny zavanisy tamin'ny taona 2009. Inona ary ny vahaolana azo raisina manoloana izany?
Aucun commentaire:
Enregistrer un commentaire