Accéder au contenu principal

Ny fatoriana indroa miantoana ao anatin'ny indray andro (alina)

 Lahatsoratra iray tao amin'ny BBC no nampiseho fa tsy mitovy loatra intsony amin'ny ankehitriny fahazaran'ny olona rehefa matory. Mpahay tantara iray antsoina hoe Roger Ekirch, raha nanao fikarohana momba ny tantaran'ny (fotoana) fatoriana mialoha ny vanim-potoana indostrialy, no nahita fa tena tolona mafy ho an'ny Tandrefana mihitsy ny hahazo torimaso mamy sy ampy. Niezaka ny olona na tamin'ny vavaka, tambavy, sampy na ody mba hahazo izany torimaso izany mba hanadio ny fanahy sy hahazoana fahasalamana ara-batana vavao indray.

Tsikariny ihany koa fa mitsitapatapaka izany fatoriana nialoha ny vanim-potoana indostrialy izany, ka misy ny "fatoriana voalohany" sy "fatoriana faharoa" izay elanelanin'ny or fifohazana maharitra adiny iray na mihoatra. Ataon'ny olona avokoa izay rehetra azo eritreretina ho atao mandritra io fotoana fifohazana amin'ny alina io. Efa hatry ny fahagola io fahazarana matory indroa miantoana io.

Na dia ny avy amin'ny kolontsaina tsy-tandrefana maro ihany koa aza dia ahitana izany, raha tsy misy fanazavana maoderina fahitantsika ny toerana iray.

Nanomboka tamin'ny taonjato faha-19, vanim-potoana indostrialy sy nampiroborobo ny rafitra kapitalista vao noheverin'ny Tandrefana ho "mal necessaire" ny fatoriana. Navondrona sy nofintinina ho fatoriana indray mandeha ihany sady nanova zavatra maro ihany koa ny fanazavana maoderina mameno ny tanàna sy faritra maro.

Tsy ny olona ihany koa anefa no manana izany fahazarana izany fa na ny biby ihany koa aza. Dia mieritreritra aho hoe sao dia be ary ny olona no tratran'ny fikorontanana amin'ny torimaso satria niova ny fahazarana tao anatin'ny taonjato roa mahery izay?

Commentaires

Posts les plus consultés de ce blog

Tany mampitsiriritra loatra maha-te haka?

Hatramin'ny fotoana nifindranay nankaty Isahafa tamin'ny taona 2016 dia tsy nisy taona voadingana ka tsy andrenesana olana ara-tany. Raha ny samy eto an-toerana moa maninona fa olona any ivelany hatrany no te-hamabo azy ho an'ny tenany na ho an'ireo mpiray tombontsoa aminy.    Midadasika mora anorenana rahateo ilay izy ka izay mahita dia mihevitra avy hatrany fa tsy misy tompony, na raha misy tompony aza dia tsy raharahiana fa alaina ihany. Noho izany toe-javatra izany dia lasa zatra amin'ny fomba fiasan'ireo mpaka tany ny mponina, efa nisy niharan'ny fitoriana ho nanao herisetra ka saika nidoboka, fa nisy koa ny nidoboka kely mihitsy ho fandrahonana hoe manana ny hery raha miseho manohitra ny fakanay io tany io. Asa efa vita vaksiny amin'izany ve ny mponina ka na teo aza izany dia mbola nivondrona ihany ny olona hiaro ny tany. Tanin'ny voanjo saingy alohan'izany dia tany manan-tantara satria kianja nanaova-matso miaramila amin'ny fomba tandr...

Kianja Isahafa: fananana iombonana, fananana manokana

Filazana mialoha: Ny lahatsoratra etoana dia fampahafantarana sy fanentanana. Raha sanatria misy loza na voina mahazo ahy, indrindra amin'ny resaka raharaham-pitsarana mety tsy ho ampoizina, dia azo heverina ny mety ifandraisany amin'ity fampahafantarana sy fanentanana sy ny tohiny. Ny tanànan'Isahafa dia fokontany iray ao anatin'ny kaominina Anosy Avaratra distrikan'Antananarivo Avaradrano. Teo amin'ny tantaran'i Madagasikara, teo amin'io Isahafa io no nanaovana fanazarantena sy matson'ny tafika voalohany indrindra naorin-dRadama Rainy. Vavolombelon'izany ny tsangambato na ny orimbaton'Isahafa, avy eo ampidirana atsinanan'ny tanàna.   Feno 200 taona amin'ny 4 avrily 2022 ho avy izao ny nananganana izany orimbaton'Isahafa izany izay fanaovan'ny miaramila fianianana fa tsy hihemotra amin'ny ady ka manaiky ny hovonoina (hodorana velona) izy raha sanatria mihemotra na mitsoaka ady. Mifanindran-dalana amin'izany ihany koa...

Manoloana ny rivodoza na loza voajanahary hafa

  Tamin'ny taona 2017 nandalovako tany Colombo, Sri Lanka, no nandalovan'ny rivodoza tao koa. Tanàna amoron-dranomasina io, ka mazava loatra fa mafy ny rivotra entin'izany rivodoza izany. Fa tsy nisy loatra ry zareo ny fotodrafitrasa potika a! Ny hazo sy ireo fafana lehibe rantin-dokambarotra ireny dia ekena hoe miondrika na tapaka mihitsy fa vitsy ny trano simba na niala tafo. Anisan'ny tratra tamin'izany ny tao amin'ny efi-pilanonana sady fitazatazanana ranomasina ilany ambony havia amin'ny sary hitanao. Tsy niandry na nangataka fanampiana fa tapakandro ihany raha be dia tafaverina amin'ny laoniny ny tafo izay nikipaka manontolo ny ilany. Nihomehy ahy ilay namana malagasy avy any ampitan-dranomasina tafaraka tamiko tao nahita ny tahotro tamin'izany sady nampahery hoe aza matahotra ianao fa tsy maninona izany aty e! Hay moa izany efa natao ho afa-misedra rivodoza avokoa ny fanorenana any amin'ireny tanàna ireny.  Ny taty amintsika saika hanorina...