Accéder au contenu principal

Ny Fahanginana

Mihainoa!
Fa miteny aminao ny fahanginana

Mijere!
Fa manoro lalana anao ny fahanginana

Manamboloa!
Fa manintona anao ny fahanginana

Mandrosoa!
Fa miaro anao ny fahanginana


Ngadon'antsa tsara indrindra
mahafaly ny voasedra,
sy mozika tonga lafatry ny
tia filaminana
        ny fahanginana
                Gidran-kira fanaperana
                mankarenim-pihorakoraka
                korontamby mampihifikifika
                ny sofin'ny mpiliba
                        ny fahanginana


lala-migodàna
fizotran'ny salama fo
sy sakelika fanivaka
iazahan'ny mpañony tena
        ny fahanginana
                Kizo mampihemotra
                ny be  fanahiana,
                lozoka mamandrika
                fadin'ny mpirehareha
                        ny fahanginana


Voninkazo manitra
anoloan'ny mahatoky
emboka manentohento
mahamirana ny marina
        ny fahanginana
                Mantsina midofaka
                manaitra mpifandìtra,
                vanja milevina
                fikoropahan'ny mpamitaka
                        ny fahanginana


Efitra natokana ho
tranombokin'ny mpila hevitra,
sakafon-tsaina mahafapon'
ny mpifikitra ny soa
        ny fahanginana
                Oram-batravatra mahakotsa
                ireo mpifosafosa
                sy danik'andro mahafanina
                ireo mpialona
                        ny fahanginana


Izay tsy mahomby rehetra donim-pahanginana
                dia mangina koa
ny toetra mendrika rehetra tsenaim-pahanginana
                hampamoy fo
fa raha moana teo aloha manomboka mikofoka
                mitandrema tena tsara
Izay diso kendry kosa raha mianatra mangina
                mety hahita fahamarinana




Jentilisa
23 Aogositra 1996


Libellés :

Commentaires

Enregistrer un commentaire

Posts les plus consultés de ce blog

Tany mampitsiriritra loatra maha-te haka?

Hatramin'ny fotoana nifindranay nankaty Isahafa tamin'ny taona 2016 dia tsy nisy taona voadingana ka tsy andrenesana olana ara-tany. Raha ny samy eto an-toerana moa maninona fa olona any ivelany hatrany no te-hamabo azy ho an'ny tenany na ho an'ireo mpiray tombontsoa aminy.    Midadasika mora anorenana rahateo ilay izy ka izay mahita dia mihevitra avy hatrany fa tsy misy tompony, na raha misy tompony aza dia tsy raharahiana fa alaina ihany. Noho izany toe-javatra izany dia lasa zatra amin'ny fomba fiasan'ireo mpaka tany ny mponina, efa nisy niharan'ny fitoriana ho nanao herisetra ka saika nidoboka, fa nisy koa ny nidoboka kely mihitsy ho fandrahonana hoe manana ny hery raha miseho manohitra ny fakanay io tany io. Asa efa vita vaksiny amin'izany ve ny mponina ka na teo aza izany dia mbola nivondrona ihany ny olona hiaro ny tany. Tanin'ny voanjo saingy alohan'izany dia tany manan-tantara satria kianja nanaova-matso miaramila amin'ny fomba tandr...
2 commentaires
Vakio bebe kokoa »

Kianja Isahafa: fananana iombonana, fananana manokana

Filazana mialoha: Ny lahatsoratra etoana dia fampahafantarana sy fanentanana. Raha sanatria misy loza na voina mahazo ahy, indrindra amin'ny resaka raharaham-pitsarana mety tsy ho ampoizina, dia azo heverina ny mety ifandraisany amin'ity fampahafantarana sy fanentanana sy ny tohiny. Ny tanànan'Isahafa dia fokontany iray ao anatin'ny kaominina Anosy Avaratra distrikan'Antananarivo Avaradrano. Teo amin'ny tantaran'i Madagasikara, teo amin'io Isahafa io no nanaovana fanazarantena sy matson'ny tafika voalohany indrindra naorin-dRadama Rainy. Vavolombelon'izany ny tsangambato na ny orimbaton'Isahafa, avy eo ampidirana atsinanan'ny tanàna.   Feno 200 taona amin'ny 4 avrily 2022 ho avy izao ny nananganana izany orimbaton'Isahafa izany izay fanaovan'ny miaramila fianianana fa tsy hihemotra amin'ny ady ka manaiky ny hovonoina (hodorana velona) izy raha sanatria mihemotra na mitsoaka ady. Mifanindran-dalana amin'izany ihany koa...
5 commentaires
Vakio bebe kokoa »

Manoloana ny rivodoza na loza voajanahary hafa

  Tamin'ny taona 2017 nandalovako tany Colombo, Sri Lanka, no nandalovan'ny rivodoza tao koa. Tanàna amoron-dranomasina io, ka mazava loatra fa mafy ny rivotra entin'izany rivodoza izany. Fa tsy nisy loatra ry zareo ny fotodrafitrasa potika a! Ny hazo sy ireo fafana lehibe rantin-dokambarotra ireny dia ekena hoe miondrika na tapaka mihitsy fa vitsy ny trano simba na niala tafo. Anisan'ny tratra tamin'izany ny tao amin'ny efi-pilanonana sady fitazatazanana ranomasina ilany ambony havia amin'ny sary hitanao. Tsy niandry na nangataka fanampiana fa tapakandro ihany raha be dia tafaverina amin'ny laoniny ny tafo izay nikipaka manontolo ny ilany. Nihomehy ahy ilay namana malagasy avy any ampitan-dranomasina tafaraka tamiko tao nahita ny tahotro tamin'izany sady nampahery hoe aza matahotra ianao fa tsy maninona izany aty e! Hay moa izany efa natao ho afa-misedra rivodoza avokoa ny fanorenana any amin'ireny tanàna ireny.  Ny taty amintsika saika hanorina...
Enregistrer un commentaire
Vakio bebe kokoa »