Efa taona maromaro izay no efa mahazatra ny fifampiarahabana sy ny fitondrana am-bavaka ny filohan'ny FJKM isaky ny alahady fahatelo amin'ny volana janoary. Niavaka kosa ny taona 2023 noho ny resabe naterany ary tsikera mamaivay amin'izany ny hoe manao kabary tsy valiana ilay Fiangonana.
Tsoriko fa tsy nivonona ny ho eny amin'ny Coliseum ny tenako, sady tsy nivonona ny hihaino ny toriteny tanatin'izany. Manana olana manokana aho raha izay no filaza azy. Raha misy ny ilaina fanovana ka tiana haharitra sy hahasoa dia ao amin'ny Fiangonana no tena tsy maintsy iandohan'izany fanovana sy fiovana izany. Izany koa no antony nanoratako tato teo alohaloha teo.
Fa noho ny resa-be naterany dia lasa nihaino ilay toriteny ho azy. Niezaka nihaino fa tsy hionona amin'ny fanehoan-kevitry ny olona amin'ny media sosialy. Politika tokoa ve no resaka sa zavatra iainana sy/na zavatra tadiavina ampiainana eto Madagasikara? Indro izany toriteny nahazo tsikera mamaivay tamin'ny vaovao hariva tao amin'ny TVM ka nahatonga ny maro hitady azy.
Etsy ankilany, tsy azo adinoina ihany koa ny fotoana notontosain'ny Filoha Andry Rajoelina voalaza fa niaraka tamin'ny tanora tao amin'ny Lapam-panjakana tao Iavoloha. Sady tsy voaasa no tsy tany ihany koa ny tenako fa ny sary no mahatonga ahy hihevitra tao amin'ilay efitra malalaka namboarin'ny Filoha Ravalomanana no nanaovana izany fotoana izany. Azo lazaina fa raitra dia raitra ihany koa ny fotoana.
Mariho mazava tsara fa nanana anjara fitenenana tamin'io fotoana io ny Filohan'ny FJKM amin'izao fotoana izao. Tsy mahalala izay votoatin-dresaka aho fa ny sary ihany no hitako.
Nanana anjara fitenenana tamin'izany fotoan'ny zoma 13 janoary 2023 izany ihany koa ny Filoha Rajoelina. Ny sary hatrany no milaza izany:
Commentaires