Ny mahafantatra ahy dia ilay olona mpandala ny teny malagasy ihany no ahafantarany ahy. Na dia misy vahiny aza eo akaiky eo amin'ny fivoriana dia iray amin'ireo mampivily ny resaka ho amin'ny fiteny malagasy aho matetika. Ny vitsy mahalala raha mbola hoe fantany ihany koa dia lasa mieritreritra sy miteny frantsay tsindraindray aho rehefa tena tezitra na tohina ao anatiko ao, mety hitranga amin'ny "feeling" hafa tena lalina ihany koa anefa izany. Ao anatiko ao izany satria nampianarina teny frantsay sy zatra namaky boky (roapolo taona mahery) tao amin'ny ex-CCAC izay IFM amin'izao fotoana izao aho nandritra ny fahatanorako (nanomboka 12 taona). Raha iniako tenenina amin'ny teny frantsay ny lohateny noho izany dia manambara avy hatrany ny tsapako sy ny toe-tenako amin'izao fotoana izao.
Sakana voalohany, raha misy ny olana dia tsy azo avoaka ampahibemaso izany, na amin'ny radio sy televiziona izany na amin'ny media sosialy. Manala tena ao amin'ny fiangonana (tsy milaza aho hoe iza ilay fiangonana eto) izay minia mandika izany fitsipika izany. Izaho kosa tsy afa-mihalangalana amin'ny zava-nitranga fa nandray ny andraikiko amin'izay tandrify ahy ary izany andraikitra noraisiko izany dia io voasoratra amin'ny lohateny io. Miala tsiny raha tsy afa-mihoatra noho izay ny lazaiko aloha.
Filazana faharoa, s'il y a une crise dans une église, surtout à Madagascar, ce n'est pas une question de pedophilie ou d'adultère mais plutôt d'argent. Ici je ne dis pas qu'il y a une malversation. Non, loin de là, fa misy fahamailoana avy hatrany tao amin'ireo mpivavaka vao nahare ny vaovaom-piangonana. Vao nandeha ilay fehezanteny dia heno avy hatrany ny ngonongonona eran'ny fiangonana. Rehefa nisaina ihany koa ny rakitra taorian'ny fotoana dia nihena atsasany avy hatrany noho ny mahazatra... Mazava dia mazava izany hafatra tsy ankiteniteny izany, dia nandray ny andraikiko koa aho tamin'io fotoana io. Tsy holazaiko izany hoe inona izany andraikitra noraisiko izany, fa ny hany azoko lazaina dia namaly tamim-pihetsika amin'izay tokony ataoko aho indrindra tamin'ny fotoana nandrenesana ilay ngonongonona eran'ny Fiangonana.Raha misy manontany na manao petra-kevitra dia miala tsiny fa tsy hamaly mihitsy aho.
Te-hampahery ny iray fiangonana amiko aho nefa tsy afa-manoatra ary tsy hanaiky hampiditra fiaraha-mientana izay mety hitarika mankany amin'ny fiokoana. Je me connaîs comme agitateur mais je n'utiliserai pas ce talent. Ny hany azoko lazaina dia izao. Manakana eo amin'ny anjara toerako aho tsy hahatontosa ilay nanafintohina tao am-piangonana. Miala tsiny indrindra raha manao teny tsy loa-body fa fantatro tsara fa azon'izay mpamaky mahafantatra ny zava-misy io ary fantany avy hatrany hoe inona ilay nataoko.
[Fanamarihana: Tsy azo alefa Facebook azafady]
Commentaires