Efa andro maromaro hivadika herinandro vitsivitsy izao no tsy hita teny amin'ny talantalana sy ny tanan'ny mpivarotra gazety ny gazety Tia Tanindrazana, Jejoo, Job, Vidy-Varotra izay ao anatin'ny vondron-gazety iray ihany. Mipetraka ambanivohitra ny tena ka tsy maharaka loatra ny zavamisy an-tanàna ka tsy lazain'ny ao amin'ny tambanjotra sosialy.
Samy manana ny mpividy azy avokoa ireo gazety efatra lazaiko ireo ka ny mahatonga ahy hanonona manokana ny Tia Tanindrazana dia satria io ihany amin'ireo efatra voalaza ireo no miresaka politika sy sosialy. Ankoatra ny hoe firesahana politika dia mitatitra kokoa ny fironana avy amin'ny antokon'ny fanoherana izy. Ireny zavatra resahantsika ao amin'ny tambajotra sosialy rehetra ireny dia tateriny ho an'ny mpamaky azy avokoa. Noho izany dia tsy vahiny amin'ireo zava-maharikoriko ara-politika mitranga eto amin'ny firenena ihany koa izy. Azo lazaina fa na dia tsy manana kaonty idirana amin'ny media sosialy aza ny mpamaky azy dia mba maharaka ihany ireny vaovao inian'ny hafa tsy soratana ireny.
Tamin'ity volana ity anefa, rehefa nitsidika ny raiko aho, dia nilaza izy fa efa ho herinandro izy izao no tsy nahazo gazety "Tia Tanindrazana" intsony. Misy mpanatitra manko izy isan'andro ary nilaza ny mpanatitra azy fa "tsy mivoaka intsony ny gazety". Nasaiko nitady an-toeran-kafa ny raiko fandrao sao dia tsy te-hanatitra ho azy intsony ilay mpivaro-gazety. Nandeha nitady tokoa izy ary tsy nahita mihitsy. Raha nanontany tamin'ireo mpivaro-gazety ary izy hoe fa maninona no tsy mahazo intsony dia nisy ny namaly fa noferan'ny fanjakana ny anjara taratasy ho an'ity gazety ity fa hoe tsy ampy intsony ny taratasy hanaovana gazety. Rehefa mandeha eny amin'ny mpivaro-gazety anefa isika dia ireo mivoaka avokoa ireo gazety mpanohana ny fitondrana rehetra, tsy mahalala izany krizin-taratasy izany.
Nanamarina amin'izay aho tao anatin'ny andro maromaro rehefa miakatra ao Sabotsy Namehana, nitsipalotra tamin'ireo mpivaro-gazety. Hitako amin'izay fa tsy ny gazety Tia Tanindrazana ihany no tsy hita fa ireo gazety iray vondrona aminy ihany koa dia ireo efa nolazaiko etsy ambony: Jejoo, Job, Vidy-Varotra. Fehiny, fehezina na sakanana mihitsy tsy hivoaka izay gazety mahasahy mitsikera mivantana ny fitondram-panjakana.
Tamin'ity volana ity anefa, rehefa nitsidika ny raiko aho, dia nilaza izy fa efa ho herinandro izy izao no tsy nahazo gazety "Tia Tanindrazana" intsony. Misy mpanatitra manko izy isan'andro ary nilaza ny mpanatitra azy fa "tsy mivoaka intsony ny gazety". Nasaiko nitady an-toeran-kafa ny raiko fandrao sao dia tsy te-hanatitra ho azy intsony ilay mpivaro-gazety. Nandeha nitady tokoa izy ary tsy nahita mihitsy. Raha nanontany tamin'ireo mpivaro-gazety ary izy hoe fa maninona no tsy mahazo intsony dia nisy ny namaly fa noferan'ny fanjakana ny anjara taratasy ho an'ity gazety ity fa hoe tsy ampy intsony ny taratasy hanaovana gazety. Rehefa mandeha eny amin'ny mpivaro-gazety anefa isika dia ireo mivoaka avokoa ireo gazety mpanohana ny fitondrana rehetra, tsy mahalala izany krizin-taratasy izany.
Nanamarina amin'izay aho tao anatin'ny andro maromaro rehefa miakatra ao Sabotsy Namehana, nitsipalotra tamin'ireo mpivaro-gazety. Hitako amin'izay fa tsy ny gazety Tia Tanindrazana ihany no tsy hita fa ireo gazety iray vondrona aminy ihany koa dia ireo efa nolazaiko etsy ambony: Jejoo, Job, Vidy-Varotra. Fehiny, fehezina na sakanana mihitsy tsy hivoaka izay gazety mahasahy mitsikera mivantana ny fitondram-panjakana.
Ary ny tena loza dia toa tsy misy miraharaha na tsy misy mpiresaka izany tsy fisian'ny gazety eny amin'ny mpivarotra izany. Ahatsiarovako indray ny tamin'ny taona 2009 izay tsy ahitana intsony eny amin'ny mpivaro-gazety ny "Le Quotidien" sy "Ny Vaovaontsika" fa ny mpamandrika sisa no anateran-gazety isan'andro any an-tranony mandra-pahatapitry ny famandrihana. Mety ho ity farany ity ve no mitranga amin'ny gazety "Tia Tanindrazana" sy ireo mpiray tampo aminy amin'izao fotoana satria mbola mamoaka vaovao anjotra ihany ry zareo sa na ny mpamandrika aza efa tsy mahazo intsony? Sa ve mivoaka ihany fa misy mandraoka? Mihamanakaiky anefa ny fifidianana!
Commentaires