Mahafantatra isika fa miezaka manatanteraka ny lalambe migodàna na ny autoroute ny fitondram-panjakana malagasy. Malaza fa tsy misy vola aloa ho an'ireo manana tany tratran'izany lalambe migodàna izany, marina ve sa tsia?
Nisy ihany ny fanoheran'ireo izay niharan'izany nefa haingana ihany dia nitsaha-ketrika izany. Sarotra ho an'ny olona izany hiady amin'ny fanjakana izany, indrindra fa hoe aty ambanivohitra. Mora ahodina manko ny vaovao nefa tsy eo ampelatanan'ireo tantsaha ireo mihitsy ny hery sy fandresen-dahatra ny hafa, na ny any an-tanandehibe na ny any ampitan-dranomasina, hoe tena tsy rariny ho azy ireo ny mihatra amin'izy ireo. Vao lazain'ny filazam-baovao fotsiny hoe "dahalo" ireo dia efa faty izany no miandry, ary fonja farafahatsarany.
Hita koa fa misy ireo olona izay ankebakeban-tany teo aloha, nefa lasa amoron-dalana amin'izao fotoana izao, no mivarotra ny taniny noho ny tahotra fandrao lasa tsy ahazoam-bola ihany koa ny fananany, misy ny fitenenana teny malagasy manao hoe aleo mihinan-kely toy izay mandry fotsy. Lasa heverina ho adala raha miady samirery, dia miara-manapakevitra hoe aleo amidy. Misy anefa antokon'olona efa miandry mahazo fotsiny manantena hahazo mora. Inona moa izany varotra izany fa dia varoboba ary tsy fantatry ny Malagasy ankehitriny intsony ny fahotana mahafaty amin'izany "mivarotra tanindrazana" izany. Indrisy ry fireneko, mbola hisy ve ianao? Mbola ny Malagasy amin'izao fotoana izao ve no honina sy hianoka ny soa eo aminao rahatrizay?
Hatramin'ny fotoana nifindranay nankaty Isahafa tamin'ny taona 2016 dia tsy nisy taona voadingana ka tsy andrenesana olana ara-tany. Raha ny samy eto an-toerana moa maninona fa olona any ivelany hatrany no te-hamabo azy ho an'ny tenany na ho an'ireo mpiray tombontsoa aminy. Midadasika mora anorenana rahateo ilay izy ka izay mahita dia mihevitra avy hatrany fa tsy misy tompony, na raha misy tompony aza dia tsy raharahiana fa alaina ihany. Noho izany toe-javatra izany dia lasa zatra amin'ny fomba fiasan'ireo mpaka tany ny mponina, efa nisy niharan'ny fitoriana ho nanao herisetra ka saika nidoboka, fa nisy koa ny nidoboka kely mihitsy ho fandrahonana hoe manana ny hery raha miseho manohitra ny fakanay io tany io. Asa efa vita vaksiny amin'izany ve ny mponina ka na teo aza izany dia mbola nivondrona ihany ny olona hiaro ny tany. Tanin'ny voanjo saingy alohan'izany dia tany manan-tantara satria kianja nanaova-matso miaramila amin'ny fomba tandr...
Commentaires