Ny salovan-tavanao
no manolotra firariana
tsy lany hamamiana
Izato teninao
toa hira mahaliana
tsy mahasondriana
Ny tenanao
toa sary mahavariana
ahitako fifaliana
Ny hamamiana?
toy ny ranon-tantely
tsy hogohiko afa-tsy ao amin'ity saha iray
Ny hira mahasondriana
ao ilay hiram-boronkely
izay efa nofisina hatramin'izay
Ilay sary mahavariana
aloky ny tsinganan'anjely
hotiaviko mandrakizay
Jentilisa
Novambra 1991
-67-
Aucun commentaire:
Enregistrer un commentaire