Inty aho ry tiako
ilay jonitra teo soloy tsiky
F'atokako ho anao irery
izao fotoana izao
Inty aho ry tiako
fihino mafy fa mangatsiaka
mba tsy ho very
ny ora iarahako aminao
Inty aho ry tiako
soa fa tafaraka indray isika
fandrao manko dia banga...
ambiroa mitady hiala
Inty aho ry tiako
ny mifankahita no hany majika
indro lasa lanitra manga
ilay aizim-pito nanadala
Handeha indray aho ry tiako
Nefa aza tomany
hihaona ihany
tsy ho ela indray dia hifankahita
Jentilisa
20 septambra 1993
-49-
Aucun commentaire:
Enregistrer un commentaire