Nisy vato izay natolotra
mety nahamay ka nandoro
nanapoaka romoromo
Nisy vato izay narotsaka
fa izany no fomban-tany
mba ho fantatra izay lany
Nisy vato atao fototra
ho mpitana tsy hampikoro
dia ny vato fehizoro
Nisy vato moa natolotra
nofonosina manokana
mba ho mamy ao am-bava
Nisy vato koa najoro
manambara ny efa lasana
hotsaroana lalandava
Nisy vatobe tsy tototra
tsy niteny tsy mba rototra
na hotaingenam-borona aza
Nisy fitiavana ao anaty
tsy hiala tsy hiongotra
fa efa nofonosim-bato
Aza atao ho tsy tanteraka
tahaka an'Ambatobevohoka
andrasana tsy mety teraka
Fa tsy mety ny mitora-bato
itony hazandrano efa azo
fa voafandriky ny harato
Fa tsy mety ny manifikifika
ny tanana mitsotra
maniry anao ho fiarahako mizotra
Jentilisa
26 jolay 1993
-55-
Aucun commentaire:
Enregistrer un commentaire